إطلاق مخبز جديد هو خطوة كبيرة ومهمة، لكن للأسف كثير من المشاريع بتفشل قبل ما تبيع أول رغيف بسبب أخطاء بسيطة لكنها قاتلة.

أغلب الأخطاء بتحصل في مرحلة التجهيز والاختيار، وهي المرحلة اللي بيبنى عليها نجاح المشروع أو انهياره مستقبلاً.

أول خطأ الأخطر على الإطلاق هو شراء معدات رديئة لمجرد إن سعرها أقل؛ لأن المعدات الضعيفة بتتلف بسرعة، بتستهلك غاز وكهرباء أكتر، وبتتعطل بشكل مستمر، مما يؤدي لخسائر يومية وتعطيل الإنتاج.

الخطأ التاني هو اختيار نوع مخبز غير مناسب لإمكانياتك أو لموقعك؛ لأن كل نوع (بلدي، شامي، سياحي، أفرنجي) له معدات مختلفة وتكلفة تشغيل مختلفة، وبالتالي الاختيار الغلط بيؤدي لخسارة من أول شهر. كمان ضعف التهوية من أكبر المشاكل اللي بتعمل كوارث في المخابز: حرارة عالية، تعب للعمال، أعطال في المعدات، وخطر حقيقي على سلامة المكان.

ومع الأسف، في كتير من اصحاب المخابز و المطاعم بيقعوا ضحية للتجار والورش اللي بتعرض أسعار قليلة جدًا عشان تجذب العميل، لكن الحقيقة إن السعر الرخيص = أعلى نسبة مخاطرة.

الورش بتبيع معدات شكلها كويس لكن خاماتها ضعيفة ومكوناتها مجهولة، وهنا تبدأ سلسلة المشاكل اللي ممكن توقف المخبز بالكامل. أول نوع غش هو غش المواصفات الفنية، زي إن يكتبولك “ستانلس 304” وهو في الحقيقة 201، أو يقولوا “موتور إيطالي” وهو صيني درجة تالتة. بعدها تيجي مشكلة العمر الافتراضي القصير جدًا، لأن المعدات الضعيفة بتبدأ تنهار بعد أسابيع من التشغيل، وتلاقي نفسك بتصرف صيانة أكتر من تكلفة الشراء نفسها.

كمان كتير منهم بيقدموا ضمان وهمي مجرد ورقة من غير أي التزام فعلي، ولما يحدث عطل تلاقيهم مش بيردوا، أو يقولوا “سوء استخدام”، أو يطلبوا مصاريف صيانة أعلى من سعر قطع الغيار نفسها.

وده غير مشكلة عدم توفر قطع الغيار، اللي بتحول أي عطل بسيط لكارثة توقف الإنتاج تمامًا، لأنك مش هتلاقي القطعة في السوق، ولا حد يعرف يصلحها، فتضطر تشتري ماكينة جديدة بالكامل. وفي النهاية، أكتر سبب بيخلي الناس تقع في الفخ هو التركيز على السعر بدل الأداء.

المخبز مش مشروع تعتمد فيه على أرخص حاجة… ده مشروع لازم يجري 24 ساعة من غير توقف.

المعدات القوية مش مجرد تكلفة أعلى، هي تأمين لمستقبل المشروع وحماية من الخسائر.